هلا هلا ..
واااااي والله مشتاقه اكتب يومياتي ..من زمان عنها ..
تدرون قربت المدرسه ..والاخلاق مزفته <<حللللللللوه
يعني بكره اول يوم دراسي للعام 1430 _1431
طبعاً مدرستنا تحلم انورها اول اسبوعين لسببين :
اولا ..كيفي مابي اروح ..
ثانياًً...برضو كيفي مابي اروح ...
بس تدرون والله خايفه ع البنات الي بيروحو المدرسه ..اشلون بيعشوا في ظلام دامس بدون انوار لمدة اسبوعين
<<زي ماقلت لكم انا غايبه ..فمن وين يجي النور ؟؟!!
ايه وش بعد ودي اقوله ...
يا أني رحت لكم زواج يو الاربعاء ...واااااااااااو ..
خوقاقي بمعنى اصح ...هوه صح انا كنت احلى وحده فيهم ...بس ماعليه فيه خشش ماعليها تنبلع شوي <<وش ذا الغرور يابنت اللذين ؟؟
انا ماعلي من الخشش ..انا الي علي منه الفساتين والرقص ..
والله فيه فساتين تهبل كان ودي يكون معي كاميرا اصور لكم فساتينهم ..وبعد فيه فساتين فيها شوي تهريج <<وانا ما أطيق التهريج ..
اما الرقص ...خاوني ساكته بس ..كان ودي اقوم ارقص معهم بس اولا انا ماعرفهم مرا وبرستيجي مايسمح ارقص مع ناس ماعرفهم ..وثانيا انا كنت رزه ومافي احد رزه ارقص معه <<والله ودي اسطر نفسي ع الكلام هذا ..هع
المهم انا كنت محطة اعجاب الاخرين <<بسرعه برااااا..
ايه رجعت من الزواج مرفوع ضغطي ..بتسألوني ليش ؟؟
انا اقول لكم ...تهاوشت انا وامي في السياره ...يعني تخيلوا تقولي ليش ما سلمتي ع ام .....وليش كنتي تطالعي ام .....كذا وليش ......وليش......؟؟
يا ماما ياحبيبتي اروح اسلم ع حرمه ماعرفها ..واذا عالنظرات الي موعاجبتك ..اناوش اسوي كذا نظراتي ..
بس ماما مين يفهمها ...زعلت مني ونامت وهيه ماتكلمني ...
وعاد انا في البدايه سويت ان الامرمو هامني ..بس ماما والله ماتهون علي تنام وهيه زعلانه مني ..
عشان كذا يوم الخميس اول ماقمت من النوم علطووووول رحت حق ماما ورضيتها بكلمتين وبست راسها ..وتعرفون حنان الام ماامداني اتأسف الا وهيه شاقه الابتسامه ..يعني علطول رضت <<ياحبي لها ..
اما اليوم ..
المسن ماأدري وش فيه مخرف ..معلق علي ايميلي ..
عاد انا المسن شئ مو مهم في حياتي ... فما زعلت ولا تضايقت ولا هم يحزنون ..
والبنات الي ابي منهم شئ الله يخلي الجوال والتلفون ..
وبس ...
لي عوده للمنتدى الساعه 6 صباحاً بأذن الله ...
تشاو قليباتي ..

يا صباح ومساء الطفش والنكد وضيقة الصدر..
ايوه ..
اوووووووووووووف ..ازهق ايام حياتي هيه هذي الايام ..
تخيلوا بكره الاسبوع الثاني من الدراسه وانا توني ما فصلت مريول ولادري عن المدرسه شئ ...
...
ياربي احس اني نكديه ..
خلوني افضفض لكم ..واخفف دمي عليكم <<وثوووووووووق
ايه احلى شئ سويته هالاسبوع ..اني قصيت شعري <<واخيييييرا
ومستانسه عليه ..والله من حقي اطير من الفرح ..وحده لها ثلاث سنين ماقصت شعرها ..وش تبوها تسويي..
طيب..
ابي اقول نكته <<برااااااااااااا
كانت فيه ذبانه تمشي وتقول اززززززززززززززززززززززززززززززززززززززززززززززززز زززززززززززززززززززززززززز
صقعت في الجدار وصارت تقول اذذذذذذذذذذذذذذذذذذذذذذذذذذذذذذذذذذذذذذذذذذذذذذذذذ ذذذذذذذذذذذذذ
<<والله معليش النكته باايخه ..من تأثير الطفش وربي..
المهم..
انا الحين بروح اشيك على المنتديات الاخرى الي مشاركه فيها ..
عساني القى قيها مواضيع حلوه والطشها لكم ...
تشااااااااااو عيوناتي ..

كح كح ..
وش ذا الغبار الي فيذا ؟!!
كح كح ..
جاني الربو <<لا مو لهدرجه عااااااد
المهم..
يأن عندي كومة سواليييييييييييييف..ودي افجرها لكم <<خييييير وش احس به ..
والله من الدفاره ماصرت ادخل المنتدى الا مره في الاسبوع ..واذا دخلت قعدت فيه شوي وطلعت ..
مو زي اول ..استقعدلكم ..واغث اهلكم ..وانشب فيكم <<وش ذي المصطلحات الغبيه ..

والله يازينها ذيك الايام ..ذكرها ترد الروح <<لا حشى مب صاحيه انا هع
يلا
بكرا علينا امتحان فيزيا ..وبروح اذاكر <<يا حركااااااااات يا المدفره
يلا ادعولي احل زييييين ..
سي يو حبايبي ..

هلا هلا
والله اني مشتااااااااااقه لكم حدي..
كيفكم شو اخباركم عساكم على القوه <<مع نفسي هع


يـــــــــاناااااااااااااس ميته فرح ...واخيرا الجزائر فازت على مصر ..
يعني المصريين مصدقين انفسهم على وشو ...الحمدالله بس ..المباره الاولى فازت مصر وما تأهلت توها ..
ومسوين صجه وازعاج وقلق ..وشوارع الرياااض تقول خلصوا فيها العرب مابقى الامصاريا ..رافعين اعلام وخرابيط ومدري وشو ..والي يشوفهم يقول قاعدين في بلدهم ..وربي السعوديه يوم تفوز ما سوت الي سووه ..
بس على قوله المثل "............"مدري وشو الصراحه بس يعني بمعناه ان الي يضحك ويبسط اخيرا هوه الفايز ..
والمباره الثانيه فازت الجزائر وتأهلت بعد وعااااااااادي ايزي ..صح انهم كمان سوو ازعاج وصجه ..
بس من حقهم تأهلو مو فازوا وبس ...
بس انا لاااااااااااااااااااااااااااا
مستحيل اسكت ..تفوز الجزائر وحاطه ايدي على خدي !!!!
ولا والله ..
اروح افصلكم ذاك العلم الجزائري واكشخ فيه "بس حساااااااااااافه المدرسه عطلت وما لحقت اقهر المصاريا الي بمدرستنا <<وربي حاااااااقده عليهم من قلب هع
..
وشافني اخوي معاذ ومعي العلم بغت تجيه سكته قلبيه ..
معاذ:ياهووووووووووووووووووووووووو
من متى معك العلم وساااااكته
لولو "شااقه الابتسامه ": والله توني مفصلته ...تبيه ؟!!
معاذ: ايي ايي عطيني ياه
لولو:رح زيييييييين تخيل اعطيك
معاذ:بالله الاء ...................
لولو: نعم نعم ما سمعت وش قلت ؟!
معاذ :لــــــــــــــولـــــــــــــو لو سمحتي
لولو: اممممممممممم افكر <<يلعن ام النذاله الي زي كذا
معاذ "عصب ": اقوووووووووووووول بتعطيني ولا لاء ؟!!
لولو: لا لا بعطيك لا تعصب <<خافت البنت
معااذ: يلا هاتيه اخلصي
لولو: طيب بس تكلم معي زين
معاذ: شكل ما جاك كف يعدل وجهك المايل هذا
لولو : وربي ما اعطيك ياه ..اجل انا الي وجهي مايل !!!
معاذ: طيب عااااااادي..بس قابليني اذا لقيتي جوالك اليوم هاااااااااه
لولو::خلاص خلاص كل شئ ولا الجوال ..بس معاذا اماااااااااانه رجع العلم لي سلييييييييم ..ترى توني ما كشخت فيه ..
معاذ : طيب طيب ولا يكثر ..
وعطيته العلم وكلي حزن ومتأكده انو ماراح يرجع لي ..
وشوي ورجع معاذ ..
لولو :خييييييير وش تبي ؟!
معاذ : لا من جد الاء ابي جوالك شوي
لولو: هااااااااااااااااه خيييير وش تبي فيه ؟!
معاذ : والله جوالي مع واحد
لولو: وانا وش دخلني فيك ..دبر عمرك
معاذ : يعني يرضيك اطلع اتمشى وماعندي جوال ؟!!
لولو: ياحبيبي ناوي تاخذه معك كماااااااااااااان
معاذ: ايه ..بس وربي اني بغير الشريحه حقتك ..زحط شريحتي الثانيه ..
لولو: طيب << يا زيني والله طيووووووبه
معاذ: شوووووووووكرن ولك مني بكرا بلعب معك بلاي ستيشن كووره وانتي بعد خذي فريق ريال مدريد خلاااااااص مابيه ..
لولو: ياشينك على بالي بتقول بعزمك على مطعم ..بطلعك السوق ..بمشيك بشوارع العاصمه ..وفي النهايه "بلعب معك كوره " يلا بس انقلع
معاذ : كثري منها اعزمك ماعزمت خوياني عشان اعزمك ...يلا منااااااااك بس
لولو: طيب يلا ضف وجهك
وطلع معاذ ومعه الجوال والعلم ..
وانا في اليت ما عندي شئ اسويه..
ومرت الساعات الى الفجر ..ورجع اخونا معاذ ..
وطبعا زي ما توقعت العلم مع واحد من اصحابه خذاه ..والجوال الحمدالله رجع لي سلييييييييم
وبعدها رحت نمت ...
وبس ..
هذا الحكي الي عندي ..
يلا انا بروح ارد على المواضيع الي عندي ..
باااااااااااايو يا حلويييييييين ..

اللهم اشفي والدة ونه خفوق ..

اللهم يا سميع الدعاء " اجعل لها شفاء ، شفاء لا يغادر سقما".
اللهم انك أنت السميع ، لقد قلت وقولك الحق . إدعوني أستجب لكم فها نحن ندعوك وعليك الإجابة .
اللهم إنها ضعيفه وأنت القوي ، فقوها.
اللهم إرحمها وارحم من دعا لها ، ومن حولها من الأهل والأحباب ، ولا تجعل الفرقة تكبت قلوبهم .
اللهم يا رحيم ارحمها
اللهم يا عطوف ، اعطف عليها.
اللهم يا لطيف إلطف بها.
اللهم يا غفور، اغفر لها
اللهم يا معطي ، اعطها البرد والسلام والشفاء دون مضرة ولا سقام.
اللهم لا تفجعنا بأحبتنا واحفظهم ، فإنك القدير ونحن المحتاجون ،
اللهم لطفك وعطفك وودك يا أرحم الراحمين
اللهم آمين